Այսօր Նորագավիթի տարածքում տեղի ունեցավ մերօրյա հերոս,կապիտան Արթուր Գագիկի Խաչատրյանի հիշատակը հավերժացնող հուշարձանի բացման արարողությունը: Հուշարձանը կառուցվել է Արթուրի ընտանիքի և մտերինների աջակցությամբ: Հուշարձանի վրա հիշատակված են նաև 2020թ-ին 44 օրյա պատերազմում Նորագավիթ վարչական շրջանի զոհված հերոս տղաներ՝ Սամվել Անտոնյանի, Էդգար Աղաբաբյանի, Գոռ Հովակիմյանի, Պետրոսյան Սեյրանի, Հայկ Թունյանի և Արմեն Զոհրաբյանի անունները: Հուշարձանի օծման արարողությունը կատարեց Նորագավիթի Սուրբ Գևորգ եկեղեցու Քահանա Տեր Ղուկասը:

Միջոցառմանը ներկա էին ՀՀ ԶՈՒ ներկայացուցիչներ՝ N վաշտի ավագ ենթասպա՝ Ժիրայր Ղարախանյանը, Շենգավիթ վարչական շրջանի ղեկավար՝ Ռազմիկ Մկրտչյանը, «Հայաստանի ֆիզիկական կուլտուրայի և սպորտի պետական ինստիտուտ»-ի ռեկտոր՝ Դավիթ Խիթարյանը և այլ հյուրեր:

Ողջույնի խոսքով հանդես եկավ «Սատար» ՀԿ հիմնադիր նախագահ, «Սատար» կամավորական ջոկատի հրամանատար՝ Հունան Հունանյանը Հունան Հունանյան: Հետմահու «Հայրենքի Պաշտպան» առաջին աստիճանի մեդալ հանձնեց հերոսի հայրիկին: Հնչեցին հայրենասիրական երգեր Սոնա Ռուբենյանի, Պապ Իսպիրյանի և Զեփյուռ Սարդարյանի կատարմամբ: Իր գեղեցիկ ասմունքով հանդես եկավ Մարիամ Մելքոնյանը: Միջոցառմանը ներկա էին նաև Արթուրի մարտական ընկերները, ովքեր իրենց խոսքում հիշատակեցին Արթուրի սխրանքները և դրական մարդկային նկարագիրը: